.
Actividades de Promoción de Vida sen Tabaco:
Centraranse os obxectivos destas actividades nos seguintes puntos.
1.-Análise da situación actual
2.-Actividades de vixiancia do cumprimento da normativa vixente
3.-Actividades preventivas e de promoción da saúde
4.-Actividades asistenciais.
1.-Análise da situación actual.
- Recopilarase información sobre o consumo de tabaco na área de aplicación do proxecto, o nivel de coñecemento sobre a normativa vixente, dereitos e deberes da cidadanía e o seu cumprimento. Incidirase sobre se a poboación fumadora e non fumadora coñece dos deberes e dereitos e asimesmo dos medios preventivos, asistenciais e de vixiancia.
2.-Vixiancia e control.
- Procederase á formación do persoal que dalgún xeito ten que velar polo cumprimento da normativa e que dun ou doutro xeito está relacionado coa aplicación da lexislación vixente sobre a venda, subministración, consumo e publicidade do tabaco. Esto levaranos a parte práctica que consistirá en inspeccións e control para garantir o cumprimento da normativa en centros de traballo, hostalería, etc.
3.-Actuacións preventiva e de promoción da saúde.
- Informarase ós chamados colectivos modélicos, é dicir, sanitarios, docentes, etc, así como a asociacións culturais, lúdicas, xuvenís, deportivas, veciñais e á poboación en xeral sobre da labor divulgativa e exemplarizante que dende o seu traballo poden levar a cabo sobre da poboación, en especial sobre os prexuizos que ocasiona o consumo de tabaco, enfermidades que produce, incapacidades, tabaquismo pasivo, sobre os recursos ós que se pode acudir, etc.
- Estas actividades informativas levaranse a efecto a través de actos divulgativos como conferencias, charlas, talleres, obradoiros, trípticos, páxinas web institucionais, medios de comunicación locais entre outros.
- Implicarase no proxecto a persoas representativas no eido da cultura, da sanitade, da educación, artistas, deportistas de elite dos Concellos.
- Fomentaranse actividades que irán encamiñadas á xuventude dende os tramos de idade mais baixos ata os ciclos superiores, informandolles sobre os efectos sobre a saúde, que se amosen críticos ante o consumo de tabaco e axudarlles ó desenvolvemento de habilidades sociais encamiñadas á reafirmación da autoestima, apredizaxe e autocontrol.
- Promoción de actividades educativas como a promoción de ocio e tempo libre sen fume e actividades perto de datas sinaladas como o día mundial da saúde, día mundial sen tabaco, día mundial do asma, día internacional da xuventude, semana europea do cancro de pulmón, día mundial da infancia, etc.
- Promocionaranse intervencións comunitarias con incentivos a través dos distintos organismos e incluso hostalería, sobre 3 alicerces básicos:
- 4 semanas sen fumar
- Axuda profesional
- Incentivo ó final da campaña.
Fixarase como obxectivo principal o avance no proceso de abandono e farase unha relación entre custe e eficacia.
4.-Actuacións a nivel asistencial.
Unha axuda para os que desexan deixar de fumar:
a) Axuda profesional, tanto en centros de saúde como noutros dependentes do Concello, como psicólogo
b) Estas axudas fomentaranse a través de tódolos medios posibles como o presencial, telefónico, a través da web.
